"Sabah"ın rəqibi qapıçısı ilə yolları ayırıb

"Sabah"ın UEFA Avropa Liqasının I təsnifat mərhələsindəki rəqibi "Sele" (Sloveniya) qapıçısı Matyaj Rozmanla yolları ayırıb.

"Report" xəbər verir ki, bu barədə klubun mətbuat xidməti məlumat yayıb.

Qolkiper "Sele"nin heyətində 208 matçda meydana çıxıb.

Qeyd edək ki, “Sabah”la “Sele” arasında Bakıda keçirilən ilk matçda Sloveniya təmsilçisi 3:2 hesablı qələbə qazanıb. Komandalar arasında cavab görüşü iyulun 17-də Sloveniyada keçiriləcək.