Azərbaycanı Cənubi Koreyada keçiriləcək beynəlxalq turnirdə 4 parataekvondoçu təmsil edəcək

Azərbaycanı Cənubi Koreyada keçiriləcək Çxunçxon Açıq Çelenc turnirində 4 parataekvondoçu təmsil edəcək.

Bu barədə "QELEBE.AZ"a Milli Paralimpiya Komitəsinin mətbuat xidmətindən məlumat verilib.

Turnirin K44 kateqoriyasında Sabir Zeynalov (58 kq), Amin Şıxalıyev (63 kq), İmaməddin Xəlilov (70 kq) və Orxan Cəfərov (80 kq) mübarizə aparacaq.

Yarış 2028-ci ildə ABŞ-nin Los Anceles şəhərində təşkil olunacaq Yay Paralimpiya Oyunlarına reytinq xarakteri daşıyır.

Qeyd edək ki, parataekvondoçularımız iyulun 11-də start götürəcək turnirdə baş məşqçi Fərid Tağızadənin rəhbərliyi altında iştirak edəcəklər.