Azərbaycanın sərbəst güləş millisi Avropa ikincisi olub
https://qelebe.az//uploads/photo/azerbaycanin-serbest-gulesh-millisi-avropa-ikincisi-olub.webp
Azərbaycanın sərbəst güləş millisi İtaliyanın Kaorle şəhərində keçirilən U-20 Avropa çempionatında ikinci olub.
Report xəbər verir ki, komanda qitə birinciliyində 5 medal qazanıb.
Yığmamız 1 qızıl, 2 gümüş və 2 bürünc medalla 133 xal toplayıb və Avropa ikincisi olub. Gürcüstan (164) birinci, Ukrayna (81) isə üçüncü yeri tutub.
Xatırladaq ki, böyük məşqçi Arif Abdullayev, məşqçilər Rövşən Hacıyev və Əşrəf Əliyevin rəhbərliyi altında Vasif Bağırov (57 kq) qızıl, Muradxan Omarov (79 kq) və Yusif Dursunov (125 kq) gümüş, Omar Gülməmmədovla (74 kq) Anar Cəfərli (92 kq) isə bürünc medal qazanıb.
