Argentina klubu Musleranın transferini açıqlayıb

Argentina təmsilçisi "Estudiantes" Türkiyənin "Qalatasaray" komandasından ayrılan qapıçı Fernando Musleranı transfer etdiyini açıqlayıb.

"QELEBE.AZ" xəbər verir ki, bu barədə cənubi amerikalıların mətbuat xidməti məlumat yayıb.

39 yaşlı qolkiper 2025/2026 mövsümündə "Estudiantes"in şərəfini qoruyacaq.

Qeyd edək ki, F.Muslera 2011-ci ildən 2025-ci ilə qədər "Qalatasaray"da çıxış edib. O, 14 mövsüm ərzində ümumilikdə 550 matçda forma geyinib. Muslera "sarı-qırmızılar"la 8 dəfə Superliqanın, 5 dəfə Türkiyə Kubokunun, 6 dəfə Superkubokun qalibi olub.