Okan Buruk "Qalatasaray"dan ayrılacaq iki oyunçunu açıqlayıb

"Çox dəyərli oyunçular bizdən ayrılacaq".

QELEBE.AZ xəbər verir ki, bunu "Qalatasaray"ın baş məşqçisi Okan Buruk deyib.

Təcrübəli mütəxəssis yaxın günlərdə 2 futbolçu ilə yollarını ayıracaqlarını bildirib: "Muslera və Mertens kimi bu çempionatlarda böyük payı olan iki futbolçu bizdən ayrılacaq. Bu, bizi çox duyğulandırır. Hər sevinc və hər matçda bunu hiss edirik. Onların əvəzinə ciddi transferlər etməliyik. Mertens və Muslera nümunəvi futbolçulardır. Onları əvəz etmək asan deyil. Futbolun acınacaqlı tərəfi də budur. Ayrılıqlar ola bilər. Bunu heç kim yaşamaq istəmir, amma bu, futbolun həqiqətlərindən biridir".

Qeyd edək ki, Dris Mertens "cimbom"a 2022-ci ildə, Fernando Muslera isə 2011-ci ildə qoşulub.