Erik ten Haq Almaniya klubu ilə anlaşıb

İngiltərənin "Mançester Yunayted" klubunun keçmiş baş məşqçisi Erik ten Haq Almaniya təmsilçisi “Bayer 04”lə anlaşıb.

“Report”un "The Athletic"ə istinadən məlumatına görə, niderlandlı mütəxəssis bazar ertəsi Leverkuzen komandası ilə 2027-ci ilin yayına qədər müqavilə imzalayacaq.

Daha əvvəl “Bayer 04” Xabi Alonsonun cari mövsümün sonunda baş məşqçi postunu tərk edəcəyini açıqlamışdı.

Qeyd edək ki, 55 yaşlı məşqçi İngiltərə Kubokunu və İngiltərə Liqa Kubokunu qazandığı "Mançester Yunayted"dən ayrıldıqdan sonra 2024-cü ilin oktyabrından işsizdir.