Qurban Qurbanov “Kəpəz”ə böyük hesabla qalib gəldikləri oyunu şərh edib

"Qarabağ"ın baş məşqçisi Qurban Qurbanov Misli Premyer Liqasının XXXV turunda "Kəpəz"ə qalib gəldikləri oyunu şərh edib.

"QELEBE.AZ" xəbər verir ki, mütəxəssis matçdan sonra mətbuat konfransında qələbəyə futbolçulara və azarkeşlərə təşəkkür edib.

"Baxmayaraq ki, 3 tur əvvəldən çempionluğu rəsmiləşdirmişdik. Lakin bu oyunda çempionluğu daha yaxşı hiss etdik. Rəqib komanda da pis təsir bağışlamadı. Futbolçularımı təbrik edirəm. Matçdan razı qaldım", - Q. Qurbanov vurğulayıb.

Qeyd edək ki, XXXV turun görüşündə "Qarabağ" doğma meydanda "Kəpəz"ə 3:0 hesabı ilə qalib gəlib.