Azərbaycan Basketbol Liqası: "Sabah" final seriyasının ikinci matçında da "Neftçi"ni məğlub edib

Azərbaycan Basketbol Liqasının final seriyasının ikinci matçında da "Sabah" “Neftçi”ni məğlub edib.

"Report"un məlumatına görə, Bakı İdman Sarayında baş tutan görüş Rimas Kurtinaytisin rəhbərlik etdiyi komandanın 86:77 hesablı qələbəsi ilə yekunlaşıb.

Final seriyasının ilk matçında da "Sabah" "Neftçi"ni üstələmişdi - 94:89.

Qeyd edək ki, final seriyasında 4 qələbə əldə edən komanda çempion olacaq. Növbəti iki matçın 6 və 8 mayda təşkili planlaşdırılır.