Gürcüstanlı futbolçu La Liqada ayın ən yaxşı oyunçusu adına namizəddir

İspaniya təmsilçisi "Valensiya"nın gürcüstanlı qapıçısı Georgi Mamardaşvili La Liqada aprel ayının ən yaxşı oyunçusu adına namizəddir.

"Report" xəbər verir ki, bu barədə yarışın mətbuat xidməti məlumat yayıb.

24 yaşlı qolkiperlə yanaşı mükafat uğrunda dörd futbolçu - Pedri Lopez ("Barselona"), Julian Alvares ("Atletiko"), Xavi Puado ("Espanyol") və Serxi Darder ("Malyorka") mübarizə aparır.

Qeyd edək ki, ötən ay "Betis"in yarımmüdafiəçisi İsko La Liqada ən yaxşı oyunçu seçilib.