"Çelsi"nin futbolçusu karyerasını Portuqaliyada davam etdirə bilər

İngiltərənin "Çelsi" klubunun futbolçusu Joau Feliks karyerasını Portuqaliyada davam etdirə bilər.

"Report" "Record"a istinadən xəbər verir ki, "Benfika" klublararası dünya çempionatından əvvəl 25 yaşlı futbolçunu icarə əsasında heyətinə qatmağı planlaşdırır.

Hazırda icarə əsasında İtaliyanın "Milan" klubunun formasını geyinən futbolçu daha əvvəl (2016-2019) də Portuqaliya təmsilçisində çıxış edib.

Qeyd edək ki, J.Feliks A Seriyasında keçirdiyi 9 oyunda qol vurmayıb. Onun icarə müddəti mövsümün sonunda başa çatacaq.