"Real” "Liverpul"un yarımmüdafiəçisini transfer etmək istəyir

İspaniyanın "Real” klubu İngiltərə təmsilçisi "Liverpul"un 26 yaşlı yarımmüdafiəçisi Aleksis Makallisteri transfer etmək istəyir.

“Report” “Marca”ya istinadən xəbər verir ki, Madrid klubu hazırda futbolçunun transferinin mümkünlüyünü araşdırır.

Qeyd edək ki, A.Makallister cari mövsüm bütün yarışlarda 44 oyun keçirib, 6 qola və 4 məhsuldar ötürməyə imza atıb. Futbolçunun klubla hazırkı müqaviləsinin müddəti 2028-ci ilin yayına qədər nəzərdə tutulub. “Transfermarkt” portalı yarımmüdafiəçini 90 milyon avro dəyərində qiymətləndirir.