Fabio Kannavaro istefaya göndərilib

Xorvatiyanın “Dinamo” klubunun baş məşqçisi Fabio Kannavaro istefaya göndərilib.

“Report” xəbər verir ki, bu barədə klubun rəsmi saytı məlumat yayıb.

"Dinamo" Xorvatiya çempionatında keçirdiyi son oyunda "İstra"ya 0:3 hesabı ilə uduzub.

51 yaşlı mütəxəssis dekabrın sonundan Zaqreb təmsilçisini çalışdırırdı. Komanda italiyalı mütəxəssisin rəhbərliyi altında meydana çıxdığı 14 rəsmi oyunda 7 qələbə qazanıb, 2 heç-heçə edib, 5 dəfə məğlubiyyətlə üzləşib.

Qeyd edək ki, “Dinamo” hazırda Xorvatiya çempionatının turnir cədvəlində 46 xalla 3-cü pillədə qərarlaşıb.