Ronaldu karyerası ərzində 15-ci dəfə bir mövsümdə 20-dən çox qol vurub
https://qelebe.az//uploads/photo/ronaldu-karyerasi-erzinde-15-ci-defe-bir-movsumde-20-den-chox-qol-vurub.webp
Səudiyyə Ərəbistanının “Əl-Nəsr” klubunun hücumçusu Kriştianu Ronaldu karyerası ərzində 15-ci dəfə bir mövsümdə 20-dən çox qol vurub.
"Report" xarici KİV-ə istinadən xəbər verir ki, 40 yaşlı futbolçu bunu ötən gün “Əl-Hilal”a qarşı səfər matçında (3:1) dubla imza atmaqla reallaşdırıb.
Portuqaliyalı ön xətt oyunçusu həmçinin karyerasında 931-ci qolu vurub.
Qeyd edək ki, K.Ronaldu Səudiyyə Ərəbistanı çempionatının cari mövsümündə keçirdiyi 25 oyunda 21 qola və 3 məhsuldar ötürməyə müəlliflik edib. Futbolçunun "Əl-Nəsr"lə hazırkı müqaviləsinin müddəti 2024/2025 mövsümünün sonuna qədərdir. Onun transfer dəyəri 12 milyon avro olaraq qiymətləndirilir.
