"Qəbələ" Premyer Liqaya vəsiqəni təmin edib

"Qəbələ" komandası futbol üzrə Azərbaycan Premyer Liqasına vəsiqəni təmin edib.

"QELEBE.AZ"un məlumatına görə, "qırmızı-qaralar" buna I Liqanın XX turunda səfərdə "Baku Sportinq"ə qalib gəlməklə (5:0) nail olub.

Hazırda lider olan və xallarının sayını 52-yə çatdıran bölgə təmsilçisinin çempionatı ilk "3-lük"də başa vuracağı rəsmiləşib.

Dördüncü sıradakı "Baku Sportinq"in 26 xalı var. Mövsümün başa çatmasına 7 tur qalıb. AFFA-nın Lisenziya Komissiyası növbəti mövsüm Misli Premyer Liqasında iştirak edəcək klublarla bağlı qərar verəcək.

Qeyd edək ki, AFFA İcraiyyə Komitəsinin qərarına əsasən, növbəti mövsüm Premyer Liqada 12 komanda iştirak edəcək, I Liqadan 3 klub elitaya yüksələcək. "Qəbələ" 2023/2024 mövsümündə sonuncu pilləni tutaraq aşağı diviziona düşüb.