Avropa çempionatında iştirak edəcək Azərbaycanın strikt körl yığmasının heyəti müəyyənləşib
https://qelebe.az//uploads/photo/avropa-chempionatinda-ishtirak-edecek-azerbaycanin-strikt-korl-yigmasinin-heyeti-mueyyenleshib.webp
Çexiyada keçiriləcək Avropa çempionatında iştirak edəcək Azərbaycanın strikt körl yığmasının heyəti müəyyənləşib.
Bodibildinq və Fitnes Federasiyasından "QELEBE.AZ"a verilən məlumata görə, komanda mayın 13-18-i aralığında baş tutacaq yarışın hazırlığına da start verib.
Avropa çempionatında baş məşqçi Camal Əhmədzadənin rəhbərliyi altında Cəlil Əliyev, Sadiq Musayev, Turan Qədimli, Vadim Zelenov, Məhəmməd Yusifov və Zaur Abbasov mübarizə aparacaq.
Qeyd edək ki, yığmanın heyəti Azərbaycan Texniki Universitetinin idman zalında təşkil olunmuş strikt körl və stritliftinq üzrə ölkə çempionatında müəyyənləşib.
