“Barselona”nın iki futbolçusu mövsümün sonuna qədər bütün yarışlardan kənarlaşdırıla bilər

İspaniyanın “Barselona” klubunun futbolçuları Dani Olmo və Pau Viktor cari mövsümün sonuna qədər bütün yarışlardan kənarlaşdırıla bilər.

“QELEBE.AZ” AFP-yə istinadən xəbər verir ki, bu barədə La Liqadan bildirilib.

Yanvarda “Barselona” ev oyunlarını qəbul etdiyi “Kamp Nou” stadionunda VIP oturacaqların satılması ilə bağlı 100 milyon avroluq müqavilə bağlayıb. Bundan sonra hər iki futbolçunun mövsümün ikinci yarısı üçün qeydiyyatdan keçirilməsinə icazə verilib.

Ancaq yarışı təşkil edən qurum yenidən yoxlama aparıldıqdan sonra klubun mənfəət və zərər hesabatında gəlirin əksik olduğunu iddia edib.

Məsələ ilə bağlı İspaniyanın Ali İdman Şurası (CSD) tərəfindən aprelin 7-dək qərar veriləcəyi bildirilib.

Qeyd edək ki, “Barselona” hazırda La Liqanın turnir cədvəlində 66 xalla birincidir.