Bakıda dünya çempionatında hər mükafatçı üçün 25 medal hazırlanıb

Bakıda keçiriləcək minifutbol üzrə dünya çempionatında hər mükafatçı üçün 25 medal hazırlanıb.

Bu barədə "Report"a Azərbaycan Minifutbol Federasiyasının baş katibi Orxan Hüseynov məlumat verib.

O, yarışa görə ərsəyə gələn mükafatlar haqqında danışıb:

"Medallar ölkəmizdə, “Azərsuvenir” tərəfindən hazırlanıb. Çəkisi tam yadımda qalmayıb. Diametri 8 sm-dir. Dünya Minifutbol Federasiyasının normativinə əsasən belədir. Hər əyardan 25 ədəddir. Beynəlxalq qurum minimum bu qədər olmasını istəyib. Amma komandalardan hansısa istəsə, yenidən sifariş verə bilərik".

Dünya çempionatı mayın 22-dən iyunun 1-dək keçiriləcək. Oyunlar Milli Gimnastika Arenasında olacaq.