"Mançester Siti" və "Arsenal" argentinalı futbolçu ilə maraqlanır

İngiltərənin "Arsenal", "Mançester Siti" və İtaliyanın "İnter" klubu "Komo"nun futbolçusu Niko Pasla maraqlanır.

"QELEBE.AZ" "CaughtOffside" nəşrinə istinadən xəbər verir ki, 20 yaşlı oyunçu London təmsilçisinin əsas transfer hədəflərindən biridir.

Ötən yay İspaniyanın "Real" komandasından ayrılan argentinalı yarımmüdafiəçi aparıcı klubların diqqət mərkəzindədir.

Lakin "Kral klubu"nun onu 2025-ci ildə 8, 2026-cı ildə 9 milyon avroya almaq hüququna malik olması işləri çətinləşdirir.

Qeyd edək ki, Niko Pas cari mövsüm "Komo"nun heyətində 25 matçda 6 qol vurub, 5 məhsuldar ötürmə ilə yadda qalıb.