"Turan Tovuz" Bakıdakı təlim-məşq bazasında məşqlərə martda başlayacaq

"Turan Tovuz" Bakıdakı təlim-məşq bazasında məşqlərə martda başlayacaq.

Bu barədə "Report"a qərb təmsilçisinin İdarə Heyətinin sədr müavini Əli Balakişiyev məlumat verib.

Klub rəsmisi Kürdəxanı qəsəbəsində inşa olunan təlim-məşq bazasında işlərin demək olar yekunlaşdığını bildirib:

"Əslində komandamız yanvardan orada məşqlərə başlamalı idi. Sadəcə, qış aylarında ot örtüyünü yetişdirmək çətin olduğu üçün istəyimizi həyata keçirə bilmədik. İşə nəzarət edən layihə rəhbəri martda komandanın orada məşq edə biləcəyini bildirib. Demək olar xırda işlər qalıb".