Tofiq Bəhramovun 100 illik yubileyi münasibətilə yoldaşlıq matçı keçirilib
https://qelebe.az//uploads/photo/tofiq-behramovun-100-illik-yubileyi-munasibetile-yoldashliq-matchi-kechirilib.webp
Azərbaycanın əfsanəvi futbol hakimi Tofiq Bəhramovun 100 illik yubileyi münasibətilə yoldaşlıq matçı təşkil edilib.
"Report"un məlumatına görə, Gənclər və İdman Nazirliyinin təşkilatçılığı ilə baş tutan qarşılaşma Tofiq Bəhramov adına Respublika stadionunda keçirilib.
Oyunda futbol veteranları və idman jurnalistləri üz-üzə gəliblər.
Görüşdən əvvəl Dövlət Himni səsləndirilib. Daha sonra mərhum hakimin və Vətən müharibəsində canından keçən şəhidlərin xatirəsi bir dəqiqəlik sükutla yad edilib.
Matç futbol veteranlarının 8:3 hesablı qələbəsi ilə yekunlaşıb.
Foto: Məhəmməd Ağayev
