"Barselona"nın müdafiəçisi növbəti dəfə zədələnib

İspaniyanın "Barselona" klubunun futbolçusu Andreas Kristensen növbəti dəfə zədələnib.

"Report" xəbər verir ki, bu barədə Kataloniya təmsilçisinin mətbuat xidməti məlumat yayıb.

28 yaşlı müdafiəçi komandanın məşqində sıradan çıxıb. Onun təxminən üç həftə yaşıl meydanlardan kənarda qalacağı açıqlanıb.

Qeyd edək ki, daha əvvəl də zədəli olan danimarkalı oyunçu təxminən 10 gün əvvəl sıraya dönüb.