Qar voleybolu üzrə Azərbaycan çempionatının mükafatçıları bəlli olub

"Şahdağ" Turizm Mərkəzində təşkil olunan qar voleybolu üzrə Azərbaycan çempionatının mükafatçıları bəlli olub.

"QELEBE.AZ"un Şahdağa ezam olunan əməkdaşının məlumatına görə, yarışın ikinci günündə həlledici oyunlar keçirilib.

Qadınlar arasında 3-cü yer uğrunda oyunda “Gəncə” komandası U-21 millisinə 2:0 hesabı ilə qalib gəlib. Final görüşündə isə "Azərreyl" eyni hesabla “Murov Az Terminal”dan üstün olub.

Kişilərin mübarizəsində "Gənclər"i məğlub edən (2:0) U-21 bürünc medal qazanıb. Çempionluğu isə “Murov Az Terminal”ı üstələyən (2:0) "Azərreyl" qazanıb.

Sonda qaliblər Azərbaycan Voleybol Federasiyası tərəfindən mükafatlandırılıblar.