Şəmkirdə şahmat üzrə Azərbaycan çempionatının seçmə yarışları təşkil olunacaq

Şəmkir Olimpiya İdman Kompleksində şahmat üzrə 8, 10, 12, 14, 16 yaşadək oğlanlar və qızlar arasında Azərbaycan çempionatının seçmə yarışları təşkil olunacaq.

Bu barədə "QELEBE.AZ"a Azərbaycan Şahmat Federasiyasının (AŞF) mətbuat xidmətindən məlumat verilib.

Turnirlər AŞF ilə Gənclə və İdman Nazirliyinin birgə təşkilatçılığı ilə keçiriləcək.

İsveçrə sistemi üzrə 9 turdan ibarət olacaq yarışda yüksək yerlər tutanlar müvafiq yaş qrupları üzrə Azərbaycan çempionatında iştirak hüququ qazanacaqlar. Ölkə çempionatının seçmə yarışlarında Bakıdan əlavə, 20 şəhər və regiondan 230 yeniyetmənin iştirakı gözlənilir.

Qeyd edək ki, yanvarın 25-də başlayacaq turnir fevralın 2-də yekunlaşacaq.