"Sumqayıt"ın baş məşqçisi: "Ardıcıl qələbələrlə turnir cədvəlindəki mövqeyimizi yaxşılaşdırmaq istəyirik"

Ardıcıl qələbələrlə turnir cədvəlindəki mövqeyimizi yaxşılaşdırmaq istəyirik

"Report" xəbər verir ki, bunu "Sumqayıt"ın baş məşqçisi Vadim Kuramş "Quba"ya qarşı Azərbaycan Basketbol Liqasının IX turunun təxirə salınmış oyunundan sonra deyib.

Mütəxəssis klubun mətbuat xidmətinə açıqlamasında qələbəyə görə sevincli olduqlarını bildirib:

"Bütün oyunçularımızı təbrik edirəm. Meydanda çıxan hər bir basketbolçumuz əla oyun sərgilədi. Bu gün Saadettin Donat öz işinin öhdəsindən məharətlə gəldi. Müdafiədə əla oyun göstərdi 41 xal toplayan Zayon Yanq da yaxşı formada olduğunu bir daha sübut etdi. Komandamızın digər üzvləri də məhsuldar çıxış etdilər".

Qeyd edək ki, "Sumqayıt" - "Quba" qarşılaşması birincilərin 126:90 hesablı qələbəsi ilə yekunlaşıb.