Azərbaycan Basketbol Liqası: Bu gün IX turdan təxirə salınmış bir oyun keçiriləcək
https://qelebe.az//uploads/photo/azerbaycan-basketbol-liqasi-bu-gun-ix-turdan-texire-salinmish-bir-oyun-kechirilecek.webp
Bu gün Azərbaycan Basketbol Liqasının IX turundan təxirə salınmış bir oyun keçiriləcək.
"Report" xəbər verir ki, A qrupunda "Naxçıvan" "Abşeron"la üz-üzə gələcək.
Qarşılaşma Bakı İdman Sarayında, saat 19:00-da başlayacaq.
Hazırda "Naxçıvan" qrupda 16 xalla ikinci pillədə qərarlaşıb. Beşinci olan "Abşeron"un isə 13 xalı var.
Qeyd edək ki, B qrupunun təxirə salınmış matçları sabah keçiriləcək. "Şəki" - "Gəncə" görüşü saat 14:00-da Şəki Olimpiya İdman Kompleksində start götürəcək. "Sumqayıt" - "Quba" qarşılaşması isə saat 19:00-da Sumqayıt Olimpiya İdman kompleksində başlayacaq. Oyunlar dekabrın 26-da Azərbaycanda matəm günü olduğu üçün təxirə salınmışdı.
