"Milan"ın sabiq futbolçusu karyerasını başa vurub

Danimarka millisinin və İtaliyanın "Milan" klubunun sabiq futbolçusu Simon Kyaer karyerasını başa vurub.

"Report"un məlumatına görə, 35 yaşlı müdafiəçi bu barədə "TV 2 Sport"a müsahibəsində bildirib.

O, AVRO-2024-dən bir il əvvəl bu barədə düşündüyünü bildirib:

"Karyeramı "Milan"da bitirmək istəyirdim, bu, ən yaxşı seçim idi".

Qeyd edək ki, son olaraq 2024-cü ilin əvvəlində "Milan"ın formasını geyinən Simon Kyaer İspaniyada "Sevilya", Türkiyədə "Fənərbağça"nın uğurları üçün də çalışıb.