"Şahdağ"da keçirilən Dünya Kubokunda vertikal yarışın qalibləri müəyyənləşib

"Şahdağ" Turizm Mərkəzində təşkil edilən xizək alpinizmi üzrə Dünya Kubokunda vertikal yarışın qalibləri müəyyənləşib.

"QELEBE.AZ"un Qış İdman Növləri Federasiyasının mətbuat xidmətinə istinadən məlumatına görə, mükafatçılar medallar və diplomlarla təltif olunublar.

Qadınlar

1. Qaçet Mollaret Axel (Fransa)
2. Yohanna Himer (Avstriya)
3. Emili Harrop (Fransa)

Kişilər

1. Remi Bonnet (İsveçrə)
2. Kristof Hoçenvarter (Avstriya)
3. Maksimilyen Drion DU Çapois (Belçika)

Qeyd edək ki, yarış Beynəlxalq Xizək Alpinizmi Federasiyasının, Azərbaycan Qış İdman Növləri Federasiyasının və “Şahdağ” Turizm Mərkəzinin təşkilatçılığı ilə 10-13 yanvar tarixlərini əhatə edəcək.

Turnirdə 26 ölkədən - Azərbaycan, Türkiyə, Belçika, Bolqarıstan, Kanada, Çin, Avstriya, Andorra, İspaniya, Çexiya, Fransa, Almaniya, İran, Qazaxıstan, Niderland, Norveç, Polşa, Qətər, Slovakiya, ABŞ, Böyük Britaniya, Yunanıstan, Sloveniya və Fərdi Neytral İdmançılar (AİN) olmaqla 130-a yaxın şəxs mübarizə aparır.

Atletlər yanvarın 13-də individual növ üzrə mübarizə aparacaqlar.

Qeyd edək ki, Dünya Kuboku 2026-cı ildə keçiriləcək Qış Olimpiya Oyunlarına lisenziya qazanmaq üçün təsnifat yarışlarından biri hesab edilir.