"Tottenhem" "Barselona"nın hücumçusunu transfer etməkdə maraqlıdır

İngiltərə təmsilçisi "Tottenhem" İspaniyanın "Barselona" klubunun hücumçusu Vitor Rokeni transfer etməkdə maraqlıdır.

"Report" xarici KİV-ə istinadən xəbər verir ki, hotspurlular karyerasını icarə əsasında "Betis"də davam etdirən 19 yaşlı futbolçunu yaxından izləyir.

Premyer Liqa təmsilçisi bu transfer üçün 36 milyon avrosundan keçməyə hazırdır. Onun "Barselona" ilə olan müqavilə müddəti 2031-ci ildə başa çatacaq.

Qeyd edək ki, Vitor Roke cari mövsüm "Betis"in heyətində 23 görüşdə meydana çıxıb və 6 qol vurub.