Azərbaycan çempionatında rəqiblərini təhqir edən futbolçular cəzalandırılıb
https://qelebe.az//uploads/photo/azerbaycan-chempionatinda-reqiblerini-tehqir-eden-futbolchular-cezalandirilib.webp
AFFA İntizam Komitəsi aşağı liqalarda rəqiblərini və hakimi təhqir edən futbolçuları cəzalandırıb.
"QELEBE.AZ" xəbər verir ki, bu barədə milli assosiasiyanın rəsmi saytı məlumat yayıb.
AFFA U-16 Liqasında keçirilmiş "Lion" - "Asta" matçında hər iki komandanın oyunçuları rəqiblərini təhqir ediblər. "Lion"dan Hüseyn Hüseynov, "Asta"dan Rəsul Quliyev 3 oyunluq diskvalifikasiya ilə üzləşiblər.
AFFA U-14 Liqasında isə Göyçayın "Çinar" kollektivinin futbolçusu İbrahim Şəfiyev Beyləqanın "Mil" komandası ilə görüşdə hakimi təhqir etdiyi üçün qırmızı vərəqə alıb. O, 2 matçlıq cəzalandırılıb.
