Mahir Emreli: "Yazılan məlumatlar yalandır, baş məşqçiyə etiraz etməmişəm"
https://qelebe.az//uploads/photo/mahir-emreli-yazilan-melumatlar-yalandir-bash-meshqchiye-etiraz-etmemishem.webp
Yazılan məlumatlar yalandır. Baş məşqçiyə etiraz etməmişəm.
Bunu "QELEBE.AZ"a açıqlamasında Almaniyanın "Nürnberq" klubunda çıxış edən Azərbaycan millisinin futbolçusu Mahir Emreli deyib.
27 yaşlı hücumçu Almaniya mətbuatının yaydığı xəbərin doğru olmadığını söyləyib:
"Hər şey qaydasındadır. Komandanın son matçlarda uğursuz çıxışına görə mediada baş məşqçi və oyunçular haqqında bu cür məlumatlar dərc olunur. Bilirəm, bu ölkənin mətbuatını oxuyursunuz, mənimlə maraqlanırsınız. Klub daxilində bu yazılanlara çox da önəm vermirlər".
Qeyd edək ki, yerli "nn.de" nəşri Mahir Emrelinin "Köln"ə uduzduqları II Bundesliqanın oyununda erkən əvəzlənməsinə görə baş məşqçi Miroslav Klozeyə etiraz etdiyini yazıb.
