Azərbaycan Basketbol Liqası: VII turun daha bir oyunu keçirilib

Azərbaycan Basketbol Liqasında VII turun daha bir oyunu keçirilib.

"QELEBE.AZ"un məlumatına görə, günün ilk matçında "Quba" "Gəncə"ni qəbul edib.

B qrupunun qarşılaşması qonaqların qələbəsi ilə bitib - 95:78

Xallarının sayını 13-ə çatdıran "Gəncə" liderliyini davam etdirir. "Quba" 9 xalla sonuncu - 6-cı sıradadır.

Hazırda B qrupunda "Ordu" - "Şəki" qarşılaşması davam edir. A qrupunda "Abşeron" - "Sərhədçi" görüşü saat 18:00-da start götürəcək.

Qeyd edək ki, turun ötən gün baş tutan oyunlarında "Neftçi" "Sabah"ı 71:66, "Sumqayıt" "Lənkəran"ı 108:99, "Naxçıvan" isə NTD-ni 95:77 hesabı ilə üstələyib.