"Traktor"un futbolçusu: "Qarabağ"la yoldaşlıq oyunu çox maraqlı alınar"

"Düşünürəm ki, belə bir yoldaşlıq görüşü çox maraqlı alınar".

Bunu "QELEBE.AZ"a müsahibəsində hazırda "Traktor"da çıxış edən Azərbaycan millisinin futbolçusu Höccət Haqverdi azarkeşlərin sosial şəbəkələrdə "Qarabağ"ın Təbriz klubu ilə yoldaşlıq oyunu keçirməsi ilə bağlı təşəbbüsünə münasibət bildirərkən deyib.

29 yaşlı müdafiəçi Ağdam təmsilçisinin İrandakı azərbaycanlılar arasında çox populyar komanda olduğunu söyləyib: “Traktor" da türkdilli insanların sevimlisidir. Bu baxımdan, belə bir oyun təşkil olunsa, olduqca xoş qarşılanar. Üstəlik, hər iki komandanın heyətində kifayət qədər güclü futbolçular var ki, bu da meydandakı mübarizəni maraqlı edər".

Höccət Haqverdinin müsahibəsinin tam versiyasını buradan oxuya bilərsiniz.