"Qarabağ"ın İsveçə səfər proqramı bəlli olub, kluba 600-dən çox bilet ayrılıb
https://qelebe.az//uploads/photo/qarabagin-isveche-sefer-proqrami-belli-olub-kluba-600-den-chox-bilet-ayrilib.webp
UEFA Avropa Liqası matçında İsveçdə yerli "Elfsborq" klubu ilə üz-üzə gələcək "Qarabağ"ın səfər proqramı bəlli olub.
Bu barədə "QELEBE.AZ"a Ağdam təmsilçisinin mətbuat xidmətinin rəhbəri Anar Hacıyev məlumat verib.
O bildirib ki, komanda dekabrın 10-da, saat 18:00-da sözügedən ölkəyə yollanacaq. Ağdam təmsilçisi qarşılaşmadan sonra Bakıya qayıdacaq.
"Köhlən atlar"ın azarkeşləri üçün 600-dən çox bilet ayrılıb.
Qeyd edək ki, UEFA Avropa Liqasının Liqa mərhələsinin VI turunda, dekabrın 12-də təşkil olunacaq "Elfsborq" - "Qarabağ" oyunu Bakı vaxtı ilə saat 00:00-da start götürəcək.
