Ueyn Runi baş məşqçisi olduğu klubdan qovula bilər

İngiltərə millisinin sabiq üzvü Ueyn Runi Çempionşip təmsilçisi "Plimut"un baş məşqçi postundan qovula bilər.

"Report" xarici KİV-ə istinadən xəbər verir ki, klub rəhbərliyi son oyunlardan narazı qaldığı üçün 39 yaşlı mütəxəssisi postundan uzaqlaşdırmağı düşünür.

Bu səbəbdən Çempionşipdə qarşıdan gələn "Oksford Yunayted" və "Suonsi" ilə matçlar Runi üçün son şans olacaq.

Qeyd edək ki, "Plimut" 17 xalla turnir cədvəlinin 21-ci pilləsində qərarlaşıb.