"Araz-Naxçıvan" Premyer Liqada növbəti qələbəsini qazanıb

"Araz-Naxçıvan" Misli Premyer Liqasında növbəti qələbəsini qazanıb.

"QELEBE.AZ"un məlumatına görə, Elmar Baxşıyevin baş məşqçisi olduğu kollektiv XIV turda "Kəpəz"lə üz-üzə gəlib.

Qarşılaşma 2:0 hesabı ilə yekunlaşıb.

25-ci dəqiqədə Felipe Santos fərqlənib. 86-cı dəqiqədə Bernardo Dias ikinci qolun müəllifi olub.

Bu nəticədən sonra xallarının sayını 33-ə çatdıran "Araz-Naxçıvan" birinci pillədə qərarlaşıb. 7 xalı olan "Kəpəz" sonuncu - onuncudur.

Qeyd edək ki, turun digər oyunları noyabrın 23-24-də keçiriləcək.