Beynəlxalq Test Agentliyi rusiyalı boksçunu diskvalifikasiya edib

Beynəlxalq Test Agentliyi (ITA) rusiyalı boksçu Aleksander Povetkini müvəqqəti olaraq diskvalifikasiya edib.

"Report" xəbər verir ki, bu barədə ITA-nın mətbuat xidməti məlumat yayıb.

Antidopinq qaydalarını pozmaqda şübhəli bilinən A.Povetkin Moskva antidopinq laboratoriyasının məlumat bazası əsasında oktyabrın 21-dən etibarən müvəqqəti diskvalifikasiya olunub.

Qeyd edək ki, idmançının qaydaları pozması halı 2014-cü ilin oktyabrında qeydə alınıb.