Dünya çempionatı: Azərbaycanın qrup komandası final mərhələsinə yüksəlib

Azərbaycanın bədii gimnastika üzrə qrup komandası Bolqarıstanın paytaxtı Sofiyada keçirilən dünya çempionatında final mərhələsinə yüksəlib. 

"QELEBE.AZ"un məlumatına görə, Zeynəb Hümmətova, Ləman Əlimuradova, Kamilla Əliyeva, Daria Sorokina, Yelizaveta Luzan və Güllü Ağalarzadədən ibarət kollektiv çoxnövçülükdə 9-cu yeri tutub. 

Komanda beş halqa ilə hərəkətlərdə 30.000 xal, üç lent və iki topla kompozisiyada isə 29.250 xal toplayaraq hər iki hərəkətdə final mərhələsinə vəsiqə qazanıb.

Zöhrə Ağamirova isə lent və halqa ilə hərəkətlərin cəmində finala çıxıb.