"Qarabağ" və "Sumqayıt"ın əvəzedici komandalarına texniki məğlubiyyət verilib
https://qelebe.az//uploads/photo/qarabag-ve-sumqayitin-evezedici-komandalarina-texniki-meglubiyyet-verilib.webp
AFFA İntizam Komitəsi Əvəzedicilər Liqasında çıxış edən "Qarabağ-2" və "Sumqayıt-2" komandalarına texniki məğlubiyyət verib.
"Report"un məlumatına görə, Ağdam klubu "Kəpəz-2" ilə X turun matçında futbolçu limitini pozduğu üçün 0:3 hesablı texniki məğlubiyyətlə üzləşib.
"Köhlən atlar" həmçinin 400 manat cərimə olunub.
"Gənclik şəhəri" təmsilçisi isə həmin turda "Turan Tovuz-2" ilə matçda legioner limitini pozub. Bu səbəbdən komanda 0:3 hesablı texniki məğlubiyyət alıb və 400 manat cərimələnib.
