Antidopinq qaydalarını pozan Pol Poqbanın cəzası 18 aya endirilib
https://qelebe.az//uploads/photo/antidopinq-qaydalarini-pozan-pol-poqbanin-cezasi-18-aya-endirilib.webp
Fransa millisi ilə futbol üzrə 2018-ci il dünya çempionatının qalibi olan Pol Poqbanın cəzası 18 aya endirilib.
"Report" "Daily Mail" qəzetinə istinadən xəbər verir ki, bununla da yarımmüdafiəçi 2025-ci ilin martında yaşıl meydanlara qayıda biləcək.
Qeyd edək ki, Poqba antidopinq qaydalarını pozduğuna görə 4 il müddətinə diskvalifikasiya edilmişdi. 2023-cü il sentyabrın 11-də, A Seriyasının I turunda "Udineze" ilə matçdan sonra Poqbanın dopinq testi müsbət nəticələnib. Onda testosteronun səviyyəsi yüksək olub.
