Mario Balotelli İspaniyanın III Divizionunda çıxış edə bilər

İtaliya millisinin sabiq hücumçusu Mario Balotelli İspaniyanın III Divizionunda çıxış edə bilər.

"Report" "Marca"ya istinadən xəbər verir ki, 34 yaşlı hücumçu sözügedən ölkənin "İntersiti" kollektivi ilə danışıqlar aparır.

Əgər razılıq əldə olunarsa Balotelli yeni klubu ilə "1+1" illik müqavilə bağlayacaq.

Qeyd edək ki, futbolçu ötən mövsümün sonu Türkiyənin "Adana Dəmirspor" klubundan ayrıldıqdan sonra azad agent statusu daşıyır.

Balotelli İtaliyada "İnter", "Milan", İngiltərədə "Mançester Siti" və "Liverpul" klublarında forma geyinib. O İtaliya millisinin heyətində 36 oyunda 14 qol vurub.