Rusiya Azərbaycana Kontinental Hokkey Liqasına qoşulmağı təklif edib
https://qelebe.az//uploads/photo/rusiya-azerbaycana-kontinental-hokkey-liqasina-qoshulmagi-teklif-edib.webp
Rusiya ilə Azərbaycan arasında 2026-cı ilə qədər idman sahəsində əməkdaşlıq planı imzalanmağa hazırdır.
"QELEBE.AZ" Rusiya mətbuatına istinadən xəbər verir ki, bu barədə ölkənin idman naziri Mixail Deqtyarev sosial şəbəkədə məlumat verib.
O bildirib ki, Dünya Köçəri Oyunlarının keçirildiyi Astanada Azərbaycanın gənclər və idman naziri Fərid Qayıbovla görüşüb və Azərbaycan klublarının Kontinental Hokkey Liqasında iştirakı imkanlarını nəzərdən keçirməyi təklif edib.
“2026-cı ilə qədər olan əməkdaşlıq planı imzalanmağa hazırdır. Bu plan cüdo, boks, atletika, futbol, taekvondo, şahmat, kiber idman, stolüstü tennis kimi 8 idman növünü əhatə edir. Rusiya Federasiyasının İdman Nazirliyi hazırda Xəzər “beşliyi” ölkələri (Rusiya, Qazaxıstan, Türkmənistan, Azərbaycan, İran) arasında normativ əməkdaşlıq bazasını yaradır və Azərbaycana Kontinental Hokkey Liqasına qoşulmağı təklif edib”, - rusiyalı nazir qeyd edib.
