"Barselona" azarkeşlər üçün tarixinin ən bahalı formalarını satışa çıxarıb

İspaniyanın "Barselona" klubu azarkeşlər üçün tarixinin ən bahalı formalarını satışa çıxarıb.

"QELEBE.AZ" "Mundo Deportivo"ya istinadən xəbər verir ki, Kataloniya təmsilçisi səfər formasını alıcılara 114,99 avroya təklif edir.

Üstəlik, tərəfdarlar köynəyə öz adını yazdırmaq istəsələr bu rəqəm 184.99 avro olaraq dəyişir. Bu isə "Barsa"nın tarixində ən bahalı forma kimi nəzərə çarpır.

Qeyd edək ki, La Liqada dörd turdan sonra 12 xal yığan Hans Flikin yetirmələri turnir cədvəlinə başçılıq edir.