Müller “Bavariya”da keçirdiyi rəsmi oyunların sayına görə rekordçu olub

Yarımmüdafiəçi Tomas Müller “Bavariya”da keçirdiyi rəsmi oyunların sayına görə rekordçu olub.

“Report” xəbər verir ki, bu barədə “Opta” statistika xidməti məlumat yayıb.

Bazar günü 34 yaşlı futbolçu Bundesliqanın ikinci turunun “Frayburq”la oyununda (2:0) 78-ci dəqiqədə qol vurub.

Müllerin 1962-1980-ci illərdə Münxen klubunda çıxış edən Zepp Mayeri qabaqlayaraq “Bavariya”nın heyətində 710 oyun keçirib.

Müller 2008-ci ildən Münxenin əsas komandasında çıxış edir, 12 dəfə Almaniya çempionu, altı dəfə Almaniya kubokunun qalibi, iki dəfə Çempionlar Liqasının qalibi olub.

Almaniya millisinin tərkibində Müller 2014-cü il dünya çempionatında qızıl medal qazanıb.