Polşalı məşhur qapıçı karyerasını başa vurub

Son olaraq İtaliyanın "Yuventus" klubunda çıxış etmiş Voytsex Şensnı karyerasını başa vurub.

"Report"un məlumatına görə, 34 yaşlı qolkiper bu barədə şəxsi instaqram hesabında bildirib.

Təcrübəli oyunçu həyat yoldaşına və iki övladına daha çox vaxt ayırmaq üçün bu addımı atdığını bildirib.

Qeyd edək ki, Voytsex Şensnı 2017-ci ildən Turin təmsilçisinin formasını geyinib. Polşalı qapıçı İtaliyada "Roma", İngiltərədə "Arsenal" kimi klubların da şərəfini qoruyub.