Neytral idmançılar üçün nəzərdə tutulan bayraq olimpiadanın bağlanışında olmayacaq

Paris Olimpiya Oyunlarının bağlanış mərasimində neytral idmançılar iştirak edə bilər, lakin onlar üçün nəzərdə tutulan bayraq təqdim olunmayacaq.

“QELEBE.AZ” xəbər verir ki, bu barədə “TASS”a Beynəlxalq Olimpiya Komitəsinin (BOK) mətbuat xidməti məlumat verib.

Parisdə keçirilən Olimpiya Oyunlarında Rusiya və Belarus idmançıları neytral statusda mübarizə aparırlar.

Rusiyalılar və belaruslar neytral bayraq altında yarışırlar: firuzəyi rəngli bayraq, onun mərkəzində ağ dairədə AIN (“fərdi neytral idmançılar”) firuzəyi hərfləri var.

Olimpiadada ümumilikdə 15 neytral Rusiya idmançısı iştirak edib. Artıq bütün rusiyalı idmançılar Parisi tərk ediblər və avqustun 11-də baş tutacaq bağlanış mərasimində iştirak etməyəcəklər.