"Sumqayıt" sabiq futbolçusunu geri qaytarıb

2024/2025 mövsümü üçün transfer çalışmalarını davam etdirən "Sumqayıt" klubu sabiq futbolçusu Sərtan Taşkını geri qaytarıb.

"Report" klubun mətbuat xidmətinə istinadən xəbər verir ki, son mövsümü Türkiyənin "Manisa" klubunda keçirmiş müdafiəçi ilə 1+1 illik müqavilə imzalayıb.

Azərbaycan millisinin 26 yaşlı futbolçusu "Sumqayıt"ın heyətində 2 nömrəli formada çıxış edəcək.

Qeyd edək ki, 2019/2020 mövsümündə də Sumqayıt təmsilçisində çıxış etmiş Sərtan Taşkın ümumilikdə 20 oyunda meydana çıxıb və 1 qol vurmağa müvəffəq olub.