Azərbaycan voleybolçuları Avropa çempionatının təsnifat mərhələsinə hazırlıq məqsədi ilə Gürcüstana yollanıb
https://qelebe.az//uploads/photo/azerbaycan-voleybolchulari-avropa-chempionatinin-tesnifat-merhelesine-hazirliq-meqsedi-ile-gurcustana-yollanib.webp
Kişi voleybolçulardan ibarət Azərbaycan millisi Avropa çempionatının təsnifat mərhələsinə hazırlıq məqsədi ilə Gürcüstana yollanıb.
Azərbaycan Voleybol Federasiyasından "Report"a verilən məlumata görə, Fərid Cəlalovun rəhbərliyi ilə yığmamızın Tbilisidəki təlim-məşq toplanışı avqustun 11-də yekunlaşacaq.
Hazırlıq çərçivəsində millinin Gürcüstanla bir neçə yoxlama görüşü keçirməsi nəzərdə tutulub.
Qeyd edək ki, AVRO-2026-nın təsnifat oyunlarında Azərbaycan seçməsi B qrupunda Avstriya və Belçika yığmalarına qarşı mübarizə aparacaq. Millimiz seçmə mərhələdəki ilk matçına avqustun 17-də çıxacaq. Komandamız həmin gün səfərdə Avstriya kollektivinin qonağı olacaq. Növbəti görüş avqustun 24-də Bakıda Belçika komandasına qarşı olacaq. Yarışın formatına uyğun olaraq digər iki qarşılaşma 2025-ci ilin avqustunda baş tutacaq.
