Azərbaycan millisi Avropa çempionatındakı üçüncü oyunda da məğlub olub

Azərbaycanın 20 yaşadək oğlan basketbolçulardan ibarət yığması Avropa çempionatının B divizionunda növbəti matçına çıxıb.

"Report" xəbər verir ki, İspaniyalı məşqçi Alberto Blankonun rəhbərlik etdiyi komanda İrlandiya yığması ilə qarşılaşıb.

Görüş rəqibin 61:58 hesablı qələbəsi ilə yekunlaşıb.

Qeyd edək ki, millimiz lk oyunda Portuqaliyaya 34:90, Böyük Britaniyaya 51:97 hesabı ilə uduzub. Komanda Portuqaliya, Niderland, Böyük Britaniya və İrlandiya yığmaları ilə eyni qrupda yer alıb.