"Sumqayıt" braziliyalı futbolçunu transfer edib
https://qelebe.az//uploads/photo/sumqayit-braziliyali-futbolchunu-transfer-edib.webp
2024/2025 mövsümü üçün transfer çalışmalarını davam etdirən “Sumqayıt” daha bir futbolçunun keçidini reallaşdırıb.
"Gənclik şəhəri" təmsilçisinin mətbuat xidmətindən "Report"a verilən məlumata görə, klub son mövsümü Albaniya “Eqnatiya”sında keçirmiş Fernando Medeiros ilə 2+1 illik müqavilə imzalayıb.
28 yaşlı braziliyalı yarımmüdafiəçi 11 nömrəli formada çıxış edəcək.
Qeyd edək ki, Braziliyanın “Santos” klubunun yetirməsi olan Fernando Medeiros karyerası ərzində “Botafoqo”, “Vila Nova”, “Bahia”, “Portimonense” kimi komandaların şərəfini qoruyub.
