“Viymsi Qarabağ” klubu minifutbol turnirində ikinci olub

Estoniyanın “Viymsi Qarabağ” futbol klubu (Tallinn) 38 komandanın iştirak etdiyi minifutbol üzrə beynəxalq turnirdə ikinci olub.

“Report” xəbər verir ki, iyunun 15-də Latviyanın Baldone şəhərində baş tutmuş yarışmaya Polşa, Latviya, Litva, Finlandiya və Estoniyadan 38 komanda qatılıb.

“Viymsi Qarabağ” FK minifutbol komandası finala yüksəlib və Litvanın “Taurus” FK komandasına penaltilər seriyasında uduzaraq ikinci yeri tutub.

Qeyd edək ki, “Qarabağ” hələ qrup mərhələsində “Taurus” ilə qarşılaşıb və onu 3:0 hesabı ilə məğlub edib. Lakin finalda bəxt litvalıların tərəfində olub.